Nadiskobrehan sa mga eksperto sa India ang usa ka talagsaong tinubdan sa nutrisyon gikan sa Pacific Beetle Cockroach kon (Diploptera punctata), usa ka matang sa ok-ok nga manganak og buhi.
Kini nga insekto nagpagawas og gatas nga mamugna isip mga mabulukong kristal nga puno sa protina sa sulod sa tiyan sa iyang mga anak.
Ang maong mga kristal nasuta nga adunay kusog o enerhiya nga mas labaw pa sa tulo ka pilo kon itandi sa gatas sa kabaw, ug upat ka pilo nga mas daghan og protina kay sa kasagarang gatas sa baka.
Gawas niana, kompleto usab kini sa mga importanteng sustansya sama sa fats, carbohydrates, ug tanang siyam ka essential amino acids.
Tungod kay kini hinay-hinay nga hiloton ug tunawon sa lawas, kini makahatag og malahutayong enerhiya sa taas nga panahon.
Giklaro sa mga tigdukiduki nga wala tinguha nga magtukod og mga pasilidad alang sa pagpamuhi og minilyong ok-ok.
Apan, gamiton niini ang advanced biotechnology aron masundog ug ma-produce ang maong kristal sa laboratoryo pinaagi sa paggamit sa yeast o bacteria.
Bisan pa man nga anaa pa kini sa unang bahin sa pagtuon, dako ang pagsalig sa mga siyentista nga ang maong teknolohiya mamahimong dakong solusyon sa pagsumpo sa kakuwang sa saktong pagkaon o malnutrisyon sa tibuok kalibutan sa umaabot nga katuigan.