India, gikondena ang Iran sa pag-atake sa Indian-flagged ship sa Oman

Gikondena sa kagamhanan sa India ang nahitabong pag-atake pinaagi sa missile strike sa Iran ngadto sa usa ka cargo ship nga nagguba ug nagpalubog sa maong sakayan sa kadagatan sa Oman.

Sa gipagawas nga opisyal nga pamahayag sa India’s Ministry of External Affairs, gihulagway niini nga “dili madawat” ang walay hunong nga pagpangatake sa mga komersyal nga barko ug sa mga sibilyang marinero.

Luwas hinuon ang tanang 14 ka Indian crew members sa barkong MSV Haji Ali, nga nagkarga og mga kahayopan gikan sa Somaliland paingon sa United Arab Emirates, human sila daling nasalbar sa mga otoridad sa Oman sa wala pa hingpit nga naunlod ang maong sakayan duol sa Strait of Hormuz.