Gasto sa US sa giyera tali sa Iran, mikabat na sa $29-B —Pentagon

Gibanabanaang mukabat sa $29 bilyon ang gasto sa U.S. sa nagpadayon nga gubat batok sa Iran, sumala sa usa ka taas nga opisyal sa Pentagon niadtong Martes (oras sa Amerika).

Matud pa mas taas kini og $4 bilyon kon itandi sa unang banabana sa nasud sa miaging bulan nga anaa lamang sa $25 bilyon.

Lakip sa bag-ong kantidad ang dugang gasto sa repair ug pag-ilis sa mga kahimanan, ingon man ang operational costs sa militar.

Sa pagkakaron, wala pa giklaro sa Pentagon kon giunsa pagporma ang kinatibuk-ang $29 bilyon nga kantidad.

Kahinumduman nga una nang nareport niadtong Marso nga gibanabanang niabot na sa dili muminos $11.3 bilyon ang gasto sa Estados Unidos sa unang unom ka adlaw sa panagbangi nga gipangunahan ni U.S. President Donald Trump.