Impossibleng makab-ot ang kasabotan tali na sa Iran og United State, kini ang gibutyag ni U.S Pres. Donald Trump ogย posibleng bombahon pag-usab ang Iran kung mapakyas ang negosasyon.
Bisan pa sa positibong pahayag ni Trump, wala pa motubag ang Iran sa bag-ong proposal sa US.
Ang ilang chief negotiator miingon nga gusto sa Washington nga pugson ang Islamic republic sa โpagsurender.โ
Gilauman usab nga mahimong mobalik ang negosasyon sa duha ka nasod human gipahunong ni Trump ang military operation aron ablihan pag-usab ang Strait of Hormuz.
Miingon si Trump nga kung mosugot ang Iran sa kasabotan, mahuman na ang gubat.
Apan kung dili, mopadayon ang pagpamomba โsa mas taas nga lebel ug mas kusog nga intensity.โ
Gibutyag usab sa tigpamaba sa foreign ministry sa Iran nga si Esmaeil Baqaei nga gi-review pa sa Tehran ang plano sa US ug ilang ipaabot ang ilang tubag ngadto sa mediator sa Pakistan.
Sa pikas bahin gibulgar ni Mohammad Bagher Ghalibaf, speaker sa parliament sa Iran, nga gigamit sa US ang naval blockade, economic pressure, ug media manipulation aron pugson ang Iran sa pagsurender.