Sigurado ang usa ka legal expert nga si Atty. Tony Laviña nga dako ang kahigayonan nga mapadayon ang impeachment process sanglit aduna na’y 45 ka mga botante ang nakatala karon.
Sumala pa niini, gikinahanglan ang kinatibuk-ang 115 ka boto aron kini magmalampuson, busa 70 na lamang ka dugang boto ang gipaabot nga makuha aron hingpit nga makab-ot ang maong target.
Gipasabot usab sa eksperto nga nga kon matigayon man ang impeachment trial, gilauman nga paspas ang dagan niini.
Matud pa, posibleng mahitabo ang pagsugod sa trial sa Senado pagkahuman dayon sa desisyon sa Kongreso, o sulod lamang sa pipila ka adlaw.
Gidugang usab nga kon ugaling moabot ang maong hisgutanan sa Supreme Court, mahimong magdepende ang katapusan niini sa mga sirkumstansya, apan posible kining matapos sulod sa duha ka tuig base sa pormulasyon sa balaod.