Nakumpiska sa mga sakop sa Criminal Investigation and Detection Group (CIDG) ang gibana-banaang Php 1.5 milyones nga kantidad sa gituohang unregistered nga mantika sa Brgy. Carmen, Oro Coop Village, Cagayan de Oro City niadtong milabayng adlaw ning kasamtangang tuig.
Malampusong nadakpan sa CIDG Cagayan de Oro City Field Unit, uban ang Food and Drug Administration (FDA), ang duha ka suspek nga giilang si alyas “Rona,” tag-iya sa establisimento, ug ang empleyado niini nga si “Noli.”
Sumala sa report, nasapnan ang mga suspek nga nagbaligya ug naga-trade og cooking oil nga walay saktong rehistro gikan sa mga otoridad.
Matud pa, ang maong kalihukang nakalapas kini sa Republic Act No. 9711 (FDA Act of 2009), Republic Act No. 7394 (Consumer Act of the Philippines), ug Republic Act No. 10611 (Food Safety Act of 2013).