Hubog nga drayber nalambigit sa sunod-sunod nga disgrasya sa Sayre Highway; backrider patay 

Nakabsan sa kinabuhi ang usa ka backrider sa motorsiklo human malambigit sa usa ka sunod-sunod nga disgrasya sa Zone-3, Sayre Highway, Barangay Kalasungay, Malaybalay City karong semaha.

Subay sa imbestigasyon, gisungag sa motorsiklong gimaneho sa nakainom nga si “Boknoy” ang usa ka Toyota Avanza human niini ma-sideswipe ang nag-unang Suzuki Double Cab nga mihunong kadiyot sa dalan.

Tungod sa kakusog sa impact, nangalagpot ang drayber ug ang backrider sa motorsiklo, diin daling gidala sa Bukidnon Provincial Medical Center ang mga biktima.

Subo pamalandungon apan gideklarang patay ang backrider pag-abot sa alas-2:32 sa hapon, samtang ang drayber sa motorsiklo kasamtangan karong gipaubos sa hospital arrest alang sa dugang disposisyon.