Nagpabiling lig-on ang baruganan sa Employers Confederation of the Philippines (ECOP) nga mas angay ipatuman ang pagpaubos sa buhis tandi sa pagpataas sa sweldo, taliwala sa panawagan sa wage hike.
Sumala kang Sergio Ortiz-Luis Jr., presidente sa ECOP, naglisod na ang kadaghanan sa mga kompanya tungod sa nagkataas nga gasto sa operasyon, busa dili na makaya ang dugang sweldo.
Dugang pa niini kung epugos ang wage increase mahimong mosangpot sa pagkawala sa trabaho imbes nga makatabang sa labor sector.
Samtang, padayon nga giduso ang sugyot nga ₱200 nga wage increase, ilabina nga naapektuhan ang publiko sa inflation nga miabot og 4.1% niadtong Marso, nga giingong resulta sa Middle East crisis.
Imbis wage hike, gisugyot sa ECOP ang pagkunhod sa excise tax ug VAT sa fuel aron mapagaan ang gasto sa negosyo ug mapaubos ang presyo sa mga palaliton ug serbisyo.
Matod sa grupo, kini nga lakang makatabang sa pag-stabilize sa presyo ug pagpanalipod sa trabaho sa nasud.