Bank secrecy sa impeachment ni VP Sara Duterte, mas sayon maaplikar sa senado – Legal Expert

Gipatin-aw ni Atty. Oscar S. Moreno, nga sa konteksto sa impeachment proceedings batok kang Vice President Sara Duterte, lahi ang proseso sa Senado kung itandi sa korte kalabot sa bank secrecy ug pagkuha sa financial records.

Sumala ni Moreno, kung ang kaso mosaka na sa Senado isip impeachment court, dili na kinahanglan og court order aron maablihan ang mga bank records.

Ang Senado mismo ang mo-isyu na og subpoena aron makuha ang mga dokumento nga may kalabotan sa kaso. 

Gipasiugda usab ni Moreno, nga sa kasamtangang yugto sa Kamara, mas komplikado pa ang proseso ug usahay nagkinahanglan pa og judicial intervention, apan sa Senado, mas diretso ug pormal pinaagi sa subpoena ang pagkuha sa ebidensya.