Mikatap karon sa social media ang mga video nga nagpakita nga ang pipila ka kompanya sa India nagpasuot og head-mounted cameras sa ilang mga empleyado samtang nagtrabaho.
Tumong niini, sumala sa mga obserbasyon, mao ang pagrekord sa eksaktong lihok sa mga trabahante aron mahimong basehan sa pag-train sa mga Artificial Intelligence o AI-powered robots.
Tungod sa kusog nga pag-uswag sa AI, nagkadaghan ang kabalaka nga daghang klase sa trabaho ang mahimong mapulihan sa mga makina.
Sa una, medyo kampante pa ang mga manual workers, apan karon nagkadako na ang posibilidad nga apil na usab sila sa maapektuhan.
Sa usa ka garment factory, makita sa viral nga mga video ang mga mananahi nga naggamit og sewing machines samtang naka-head camera.
Bisan wala paโy opisyal nga kumpirmasyon, gituohang gamiton ang maong mga recording aron tudluan ang mga robot unsaon pagbuhat sa ilang trabaho.
Sumala sa source, ang mga camera nagrekord sa eksaktong panan-aw sa trabahante diin lakip na ang lihok sa ilang mga kamot ug proseso sa ilang trabaho.
Pinaagi niini, makatigom og daghang datos nga magamit sa pagpauswag sa abilidasd sa mga makina nga makakat-on ug mopuli sa human labor.
Imbis nga mogamit og mahal nga motion-capture tools, pwede matud pa gamiton sa kompanya ang โhuman-eye viewโ aron matudluan ang mga robot pinaagi sa pagtan-aw ug pagsundog sa lihok sa tawo.