Nagpatuman ang Bangko Sentral ng Pilipinas (BSP) og pagtaas sa ilang key policy rates aron malikayan ang posibleng pagsaka sa inflation tungod sa nagkagrabeng tensyon sa Middle East.
Pormal nga gitapos sa Monetary Board sa BSP ang ilang easing cycle human gi-anunsyo ni BSP Governor Eli Remolona Jr. niadtong Huwebes ang dugang nga 25 basis points.
Tungod niini, misaka sa 4.5% ang target reverse repurchase rate, samtang 4% ang overnight deposit rate ug 5% usab ang overnight lending rate.
Sumala sa gobernador, ang maong desisyon resulta sa pagsaka sa presyo sa lana sa kalibotan nga gilauman nga makaapekto sa ekonomiya sa Pilipinas.
Gipasidan-an niini nga ang sitwasyon mahimong makaigo sa adlaw-adlaw nga panginabuhi sa mga Pilipino ug sa operasyon sa mga negosyo.