Nagpadayon sa Committee on Justice ang impeachment proceedings batok kang Vice President Sara Duterte, diin mibisita si Ombudsman Jesus Crispin “Boying” Remulla uban sa mga opisyal sa Ombudsman aron isumite ang mga kopya sa Statement of Assets, Liabilities, and Net Worth (SALN) sumala sa subpoena duces tecum sa komite.
Sa pagdungog, gikumpirma ni Remulla nga ilang gidala ug nauna nang gisumite ang mga dokumento sa wala pa magsugod ang sesyon.
Gidawat kini sa komite ug gihimong parte sa opisyal nga rekord sa impeachment proceedings.
Base sa mga SALN nga gipresentar, napadayag nga gikan 2019 hangtod 2024, wala gi-deklara nga cash on hand o cash deposit si VP Sara Duterte.
Samtang gikan 2007, ang net worth niini gibanabana nga sobra ₱7 milyon ug misaka ngadto sa sobra ₱80 milyon sa tuig 2024 .
Sa laing bahin, gipadayag ni House Deputy Minority Leader Chel Diokno nga ang pagdungog sa komite importante aron matino kung aduna bay igo nga ebidensya sa mga alegasyon sa unexplained wealth.
Padayon ang pagmonitor sa Kamara bisan pa sa posibilidad sa Korte Suprema nga mag-isyu og TRO nga mahimong makapahunong sa proseso.