Tingkagol sa selda ang usa ka 26-anyos nga lalaki human kini malampusong nadakpan sa gipahigayon nga operasyon batok sa mga ilegal nga sigarilyo sa Barangay 8, Poblacion, Quezon, Bukidnon niadtong Abril 21.
nasayran gikan sa mga otoridad nga nasakpan ang suspek nga nagbaligya og mga sigarilyo nga walay government health warning stickers, nga usa ka klaro nga paglapas sa balaod. Narekober gikan sa posisyon sa dinakpan ang 11 ka reams sa Commando, tulo ka reams sa San Marino, ug duha ka reams sa Seven King nga mobalor tanan sa ₱12,800.
Dali nga gidala ang suspek sa Quezon Municipal Police Station alang sa gikinahanglang dokumentasyon, samtang ang mga nakumpiskang kontrabando gi-turn over na sa Municipal Health Office alang sa saktong disposisyon.
Padayon pa karon ang gihimong imbestigasyon sa kapulisan aron masuta kon asa gikan ang maong mga smuggled nga produkto dungan sa ilang hugot nga kampanya batok sa ilegal nga negosyo sa probinsya.