Konsehal Ayala, nagsugyot og usa ka lakang batok sa Primewater gumikan sa padayon nga kapakyasan niini sa serbisyo panubig

Miani og nagkadaiyang reaksyon gikan sa mga netizen ang post ni Konsehal Jason Chad Ayala diin iyang gihagit ang publiko nga magpahigayon og welga batok sa kompanyang PrimeWater.

Sa maong post, gipahayag sa Konsehal ang iyang mulo matud pa sa “perwisyo” nga nasinati sa mga konsumante ubos sa pagdumala sa maong water provider.

Gani, iyang gipangutana ang iyang mga followers kung andam ba silang mouban sa maong plano aron mapugos ang maong kompanya nga mobiya na sa lugar.