Pagka-kampante ni Zaldy Co nahimong dalan sa iyang pagkasikop – DILG Sec. Remulla

Gitan-aw karon ni Department of the Interior and Local Government (DILG) Secretary Juanito Victor “Jonvic” Remulla nga sobra nga kampante ang pagtago ni kanhing Ako Bicol Representative Zaldy Co nga maoy hinungdan sa iyang pagkadakop sa Czech Republic sa Prague.

Sumala sa kalihim, naglibot-libot sa Europa ang kanhing kongresista sa wala pa kini mababagan sa Prague, ug tungod kanselado na ang iyang pasaporte, nadakpan siya isip usa ka “undocumented alien.”

Dugang pa ni Remulla, ang maong pagkampante ni Co tungod sa giingon niini nga ang kinabuhi sa Portugal sa kongresista usa lamang ka dakong bakasyon.

Samtang, padayon ang gobyerno sa pagkoordinar sa mga foreign counterparts aron masiguro nga mapapauli dayon sa Pilipinas ang maong mambabalaod.