Gitumbok karon sa Palasyo nga posibleng makatipid ang gobyerno og kapin ₱16 bilyon kung ipostpone una ang Barangay ug Sangguniang Kabataan (SK) elections.
Sumala pa ni Palace Press Officer Usec. Claire Castro, abli ang gobyerno ug ang Pangulo sa posibilidad sa pagbalhin sa bulan ug petsa sa eleksyon nga gikatakdang ipahigayon karong bulan sa Nobyembre ning kasamtangang tuig, kung kini makatabang sa nasud.
Gipatin-aw usab sa Palasyo nga kon adunay ipresentar nga pormal nga sugyot, pagatun-an kini pag-ayo aron masuta kung kini ba makahatag og positibong epekto, labi na sa kasamtangang krisis nga giatubang sa nasud.
Gidugang pa nga giprioridad sa administrasyon karon ang maayong pagdumala sa pondo ug ang paghatag og mga solusyon sa nagpadayon nga mga hagit sa ekonomiya ug katilingban.