Naaresto ang tulo ka mga suspetsadong nalambigit sa ilegal nga droga human malampusong nakatingkagolkaron human sa gikasang buy-bust operation sa Brgy. Patag, Cagayan de Oro City niadtongmilabayng adlaw ning kasamtangang tuig.
Ang mga dinakpan giila lamang sa mga alyas nga “Opaw,” 46-anyos, “Romi,” 42-anyos, ug “Dixon,” 46-anyos, kinsa pulos mga residente sa maong dapit.
Gipahigayon ang operasyon sa mga operatiba sa Regional Police Drug Enforcement Unit 10 (RPDEU-10) inabagan sa PDEA-10, COCPO, ug uban pang mga yunit, diin nakuha gikan sa ilang posisyon ang gibana-banang 200 gramos nga shabu nga adunay Standard Drug Price (SDP) nga ₱1,360,000.
Lakip sa mga nakumpiskang ebidensya ang pito ka sachet sa gituohang shabu, pouch bag, coin purse, usa ka cellphone, ug ang ₱1,000 bill nga nagsilbing buy-bust money.
Nasayran nga usa sa mga suspek ang misulay sa pagsukol nga miresulta sa pagkaangol niini, hinungdan nga daling gidala sa ospital kauban ang mga operatiba alang sa medikal nga atensyon.
Sa pagkakaron, ang mga suspetsado anaa na sa kustodiya sa Maharlika Detention Facility samtang giandam ang kasong paglapas sa Republic Act 9165, samtang ang mga ebidensya gidala na sa Regional Forensic Unit 10 alang sa eksaminasyon.