Pagwagtang sa VAT sa lana, magresulta og P170-B nga pagkalugi — DOE

Mukabat sa P170 bilyon kada tuig ang mawala nga kita sa gobyerno kung tangtangon ang value-added tax (VAT) sa mga produktong petrolyo, sumala kang DOE Sec. Sharon Garin.

Matud ni Garin nga ang VAT sa petroleum products usa ka dako nga bahin sa koleksyon sa gobyerno, busa ang pagtangtang niini magresulta usab og dakong kakulang sa kita sa nasud.

Gidugang pa niini, nga kinahanglan una og amyenda sa naglungtad nga balaod sa dili pa maipatuman ang pagtangtang sa VAT sa fuel products.

Gipunting usab ni Marikina Representative Miro Quimbo nga posible pang magkagrabe ang kahimtang sa nasud kung tangtangon ang VAT, labi na sa nagpadayon nga krisis sa Middle East.