Gilauman na sa Department of Interior and Local Government (DILG) ang pagpagawas og “red notice” gikan sa International Criminal Police Organization (Interpol) batok kang kanhi Ako Bicol Partylist Rep. Zaldy Co.
Sumala ni DILG Secretary Juanito Victor “Jonvic” Remulla, gipaabot na ang kumpirmasyon niini sugod karong semanaha o sa sunod nga semana human pormal nga mi-apply ang gobyerno og notice batok sa kanhi magbabalaod.
Dugang pa sa opisyal, gibana-bana nga anaa pa gihapon sa nasud sa Portugal ang kanhi kongresista ug wala na gilauman nga mobalhin pa sa laing nasud.
Ang maong red notice magsilbi nga hangyo sa mga otoridad sa tibuok kalibutan nga pangitaon ug temporaryong sikopon ang maong indibidwal alang sa iyang pag-atubang sa mga legal nga proseso.