Gitudlo ni Philippine National Police Chief PGen. Jose Melencio Nartatez si Police Brigadier General Rommel Sta. Ana Batangan isip acting director sa Highway Patrol Group (HPG) sugod karong Huwebes, Marso 26, human sa pagluwat sa katungdanan ni PBGen. Jessie Tamayao.
Si Police Brigadier General Rommel, kinsa kanhi nagsilbi isip Deputy Regional Director for Administration sa Police Regional Office 3, nagdala og halapad nga kasinatian sa pagpangulo ngadto sa HPG.
Kahinumduman nga miluwat sa pwesto si Tamayao human mapasaka ang usa ka reklamo sa sexual harassment batok niini sa usa ka policewoman ngadto sa National Police Commission (NAPOLOCON).
Samtang hugot usab nga gihimakak ni Tamayao ang maong mga pasangil. Bisan pa man sa pagbiya sa pwesto, gihatagan og gibug-aton ni Tamayao nga ang pag-resign dili angay sabton nga pag-angkon sa sala.
Matod pa niini, ang maong lakang gihimo aron mohatag og dalan sa usa ka impartial o patas nga imbestigasyon ug aron mapanalipdan ang integridad sa PNP.