Gisaway sa pipila ka mga senador kalabot sa giingong pagkalangan sa aksyon sa kaimplementaran sa gobyerno taliwala sa nagkagrabe nga krisis sa lana sa nasud.
Gibutyag ni Senador JV Ejercito nga “hilabian ka langan” ang lakang sa kagamhanan ug nanginahanglan na kini og dinaliang aksyon aron dili na mosamot ang epekto niini ngadto sa publiko.
Dugang nga gipadayag ni Senador Sherwin Gatchalian ang kamahinungdanon sa pagbaton og andam nga mga lakang gikan sa gobyerno lakip na ang lig-on nga national contingency plan.
Gipasidan-an ang kagamhanan nga kon dili mahatagan og dinalian nga pagtagad ang maong problema, mas daghan pa nga mga indibidwal ang dako nga maapektuhan niini.
Miipakita usab og talagsaong sugyot si Senador Rodante Marcoleta diin gihisgotan niini ang pagpangayo og tabang alang sa suplay sa lana ngadto kang Donald Trump.
Sa pikas bahin, wala usab nagpalayo sa obserbasyon si Senador Ping Lacson kinsa miasoy sa posibleng papel o impluwensya ni Trump kalabot sa nasabtan nga krisis sa enerhiya nga giatubang karon sa Pilipinas.