DOLE, gihagit ang mga mambabalaod sa pagmugna og tukmang wage policies!

Giawhag sa Department of Labor and Employment kon DOLE ang mga mambabalaod nga mosalig sa lig-on nga datos samtang hugot nga gitun-an sa paghimo og mga polisiya sa suhol aron masiguro ang patas nga kita sa mga mamumuo ug kalig-on sa ekonomiya.

Sumala sa National Wages and Productivity Commission (NWPC), advisory body lamang kini ubos sa Wage Rationalization Act ug dili naghimo og balaod, kondili naghatag og mga report, kalkulasyon ug policy simulations isip giya sa Kongreso.

Gipasiugda sa DOLE nga ang ilang mga rekomendasyon nagtumong sa pagbalanse sa interes sa mga employer ug mamumuo samtang gisuportahan ang economic stability.

Girespeto usab niini ang awtonomiya sa Kongreso sa paghimo sa pinal nga desisyon.