Gihagit ni Sen. Loren Legarda nga kinahanglan ang klaro nga plano sa gobyerno kabahin sa saktong pondo gikan sa 2025 ug 2026 national budget ang mahimong magamit aron gilayon aron matubag ang nagkagrabeng sitwasyon sa nasud tungod sa epekto sa tensyon sa Middle East.
Matud sa Senador, dili angay nga magpabilin lamang sa plano o presentasyon ang mga lakang sa administrasyon, apan kinahanglan kini nga mabati sa katawhan gilayon pinaagi sa aktwal ug konkretong tabang.
Gipasiugda usab ni Legarda, nga ang mga programa sa gobyerno sama sa paspas nga paghatag og pagkaon, oportunidad sa pagtrabaho, ug target nga subsidiya kinahanglan ipatuman gilayon aron makulangan ang epekto sa nagkataas nga presyo sa mga palaliton ug sa nagkagrabeng kalisod sa ubang sektor.
Dugang pa niini, nga ang pondo kinahanglan dili lamang makita sa papel apan epektibong magamit sa mga komunidad nga nanginahanglan.
Sigon usab sa Senador, importante nga dawaton sa gobyerno ang tibuok kabug-aton sa sitwasyon aron mas mapadali ang koordinasyon sa mga ahensya ug malikayan ang mas grabe pang epekto sa ekonomiya ug panginabuhian sa katawhan.
Sumala pa ni Legarda, pinaagi sa klaro ug dinaliang aksyon, mas mapalig-on ang pagresponde sa krisis ug masiguro nga ang ayuda moabot sa tukmang panahon.