Trump mihatag og 48-oras nga ultimatum sa Iran aron ablihan ang Strait of Hormuz 

Gipahibalo ni U.S. President Donald Trump ang tinguha sa Amerika nga anam-anam nang tapuson ang operasyong militar sa Middle East. 

Apan sukwahi kini sa gihimo sa Pentagon, nga nagpadala og dugang 2,500 ka Marines ug mga amphibious assault ship nga gituohang pangandam alang sa usa ka ground assault sa Kharg Island.

Subay niini padayon gihapon ang tensyon tungod sa gihimong missile strikes sa Iran ngadto sa Diego Garcia ug Israel isip pagbalos sa tulo ka semana nga pagpamomba sa Amerika.

Bisan pa sa pangangkon ni Trump nga naguba na ang mga pasilidad sa Iran, nagpabiling aktibo ang l mga missile, butang nga naghatag og kalibog sa publiko tungod sa nagkasumpaki nga mga lakang sa White House ug sa Pentagon.