Mipadayag si Manila 3rd District Rep. Joel Chua nga ang impeachment case nga giatubang ni Bise Presidente Sara Duterte makatabang sa 2028 presidential bid niini.
Matud ni Chua, mahimong gamiton sa Bise Presidente ang proseso isip kahigayonan sa paglimpyo sa pangalan sa dili pa ang eleksyon.
Dugang pa niini, nga kung maabot sa Senado ang kaso ug ma-dismiss kini, mahimong gamiton ni VP Duterte isip depensa sa kampanya niini.
Sa pagkakaron, ang kaso anaa pa sa House Committee on Justice.
Samtang ang “hearing proper” gikatakda karong Marso 25, 2026 ug giimbitar si Bise Presidente Duterte sa pagtambong, bisan og adunay mga timailhan nga dili kini motunga.
Gitataw usab ni Chua, nga ang impeachment usa ka “test of character” sa bisan kinsa nga gustong mahimong Presidente.
Kini na ang ikaduhang higayon sulod sa duha ka tuig nga si Bise Presidente Duterte nag-atubang og impeachment proceedings.