Siyam ka Buddhist nga monghe ang namatay samtang ubay-uaby pa ang nasamdan human gidaro sa usa ka sakyanan nga gimanehoan sa usa ka 11-anyos nga batang lalaki sa lalawigan sa Mukdahan, Thailand.
Ang mga biktima kabahin sa usa ka grupo nga adunay 35 ka monghe ug lima ka debotong kauban nga naglakaw sa daplin sa karsada alang sa usa ka balaang pilgrimage sa dihang kalit silang nabanggaan sa sakyanan.
Lima ka monghe ang dayon nga namatay sa lugar sa aksidente, samtang upat pa ang nakabsan sa kinabuhi atol sulod sa balay-tambalanan.
Nagkatag usab sa daplin sa dalan ang ilang mga orange nga robe ug personal nga mga gamit atol sa kalihukan samtang grabeng nadaot ang sakyanan nga nalambigit sa insidente.
Base sa imbestigasyon, gikuha sa bata ang sakyanan nga walay pagtugot sa iyang mga ginikanan sa wala pa kini mawad-an og kontrol hinungdan sa panghitabo.
Matud sa kapulisan, padayon pa nilang gisusi ang legal nga mga lakang nga mahimong ipahamtang sa menor de edad. Sa pagkakaron, gipaubos na kini sa pag-atiman sa mga otoridad, kauban ang iyang mga guardian ug mga doktor.
Sa inisyal nga imbestigasyon, nasayran usab nga ang bata adunay special needs o usa ka kondisyon nga nakaapekto sa iyang panghuna-huna, apan wala pa gipadayag sa mga ang dugang detalye bahin niini.