Nakaplagang wala nay kinabuhi ang Miss Grand Orlando 2025 titleholder nga si Skarlent Rodríguez, 23 anyos, uban sa iyang uyab nga si Jose Castro sa nagun-ob nilang apartment sa Catia La Mar, La Guaira, Venezuela, human sa kusog nga linog nga miigo sa nasud niadtong miaging adlawa.
Gikumpirma sa Miss Grand International Organization ang pagkamatay ni Rodríguez, samtang giingon sa mga otoridad nga nakit-an ang patay’ng lawas sa magtiayon human sa pipila ka adlaw nga search and rescue operations.
Mipadayag usab ang Miss Grand International ug Miss Grand Florida sa ilang lawom nga pagbangutan ug pahasubo sa pamilya sa biktima.
Gihandom nila si Rodríguez isip usa ka modelo nga nailhan dili lamang sa iyang katahom, kondili usab sa iyang kamaayo, dignidad, ug positibong impluwensya sa kadaghanan.