Gimandoan sa Sandiganbayan Third Division ang pagpahigayon og independent medical examination kang Senador Rodante Marcoleta aron matino kung gikinahanglan pa ba ang iyang padayon nga pagpabilin sa Philippine National Police (PNP) General Hospital.
Gisugo sa korte ang Director sa UP-Philippine General Hospital o ang iyang representante nga magsusi kang Marcoleta sulod sa tulo ka adlaw ug mosumite og medical report aron mahibal-an kung adunay igo pang medikal nga basehan alang sa iyang pagpabilin sa ospital.
Sumala sa mga doktor sa PNP, miayo na ang kahimtang sa senador ug mahimo na siyang mobiyahe basta magsul-ob og face mask.
Apan, ilang girekomenda nga magpabilin siya sa ospital hangtod makompleto ang iyang antibiotic treatment.
Una nang gimando sa Sandiganbayan ang pagbalhin kang Marcoleta ngadto sa New Quezon City Jail, apan wala pa kini maipatuman tungod kay naka-confine pa siya sa PNP General Hospital.
Si Marcoleta nag-atubang og kasong plunder ug tulo ka kaso sa giingong paglapas sa Anti-Graft and Corrupt Practices Act may kalabotan sa giingong wala niya ideklara nga ₱75 milyon nga campaign donation atol sa 2025 elections.