Patay ang pito ka tawo human sa usa ka halapad nga airstrike nga gihimo sa Russia sa Dnipro City sa Ukraine.
Sumala kang Ukrainian President Volodymyr Zelensky, nahitabo ang pag-atake sa tungang gabii ug kalit nga nagdala og grabeng kadaot sa siyudad.
Padayon karon ang search and rescue operations sa mga awtoridad ug rescuers aron pangitaon ang posibleng mga naluwas nga natabunan sa naguba nga mga building.
Sa laing bahin, miresponde usab ang mga fighter jets sa United Kingdom gikan sa Romania human namatikdan ang presensya sa Russian drones duol sa ilang border.
Matud ni Zelensky nga nagpabilin gihapon ang agresibong aksyon sa Russia, diin daghang sibilyan ang nadamay sa mga pag-atake.
Gipasalig usab sa Ukrainian President nga mohatag sila og tubag o ganting aksyon batok sa gihimo nga pag-atake sa Russia.