Nadakpan sa kapulisan ang usa ka 42-anyos nga lalaki sa pagbaligya og smuggled cigarettes sa Barangay Tankulan, Manolo Fortich, Bukidnon, nga nagresulta sa pagkakumpiska sa kapin P8,000 kantidad nga sigarilyo niadtong Pebrero 3, 2026.
Gipahigayon ang operasyon alas 4:50 sa hapon sa Purok 1-Tabuan sa Manolo Fortich Municipal Police Station ubos sa pamuno ni PLTCOL Evary E. Bacunawa, uban ang Bukidnon 1st Provincial Mobile Force Company, RHU Manolo Fortich, ug Bukidnon Provincial Intelligence Unit. Nasakpan ang suspek samtang namaligya og smuggled cigarettes ug napakyas sa pagpakita og legal nga dokumento.
Nakumpiska sa kapulisan ang lima ka ream sa Modern Red ug lima ka ream sa Cannon White cigarettes, nga adunay kinatibuk-ang kantidad nga P8,000.
Ang suspek ug ang nakumpiskang sigarilyo giturn-over sa Manolo Fortich Municipal Health Office alang sa hustong disposisyon.