Nagpahigayon ang mga sundalo sa 403rd Brigade ang leaflet dropping gamit ang duha ka Black Hawk helicopters niadtong milabay’ng adlaw sa mga kabukirang lugar sa Agusan del Sur nga duol sa boundary sa Bukidnon.
Mukabat sa 1,000 ka leaflets ang gipanghagbong sa nagkalain-laing sitio.
Ang mga leaflet adunay panawagan sa mga miyembro sa New People’s Army (NPA) nga moundang sa armadong pakigbisog ug mobalik sa gobyerno, lakip ang impormasyon bahin sa E-CLIP o mga benepisyo nga ilang madawat kung mosurender.
Aduna usab mga pahimangno ang kasundaluhan alang sa mga residente batok sa pag-apil sa armadong grupo, ug ingon man ang pagpasabot sa hotline numbers nga ilang matawagan kung makabantay sila og presensya sa NPA sa ilang lugar.
Gipunting sa militar ang maong operasyon sa mga hilit ug bukirong lugar aron maabot ang mga komunidad ug mapadangat ang ilang mensahe sa mga rebelde ug residente.