31-anyos nga lalaki, sikop sa buy-bust operation sa Kitaotao, Bukidnon

Sikop ang usa ka 31-anyos nga giila sa alyas “Sabio” atol sa joint drug buy-bust operation kagahapong adlawa Purok 5, Barangay Magsaysay, Kitaotao, Bukidnon.

Nakuha gikan sa suspek ang tulo ka heat-sealed sachet nga gituohang shabu, nga mokabat sa 0.53 gramos ug nagkantidad og ₱3,604.

Giandam na ang kaso batok sa suspek tungod sa paglapas sa Sections 5 ug 11, Article II sa R.A. No. 9165.

Ang nakuhang ebidensya gidala sa Bukidnon Provincial Forensic Unit alang sa eksaminasyon, samtang ang dinakpan anaa na sa kustodiya sa Kitaotao MPS alang sa dokumentasyon ug hustong disposisyon.