4,000 ka mga teachings jobs sa DepEd, aprubado na – DBM

Giaprubahan na sa Department of Budget and Management (DBM) ang dugang nga 4,000 teaching jobs alang sa tuig 2025.

Sa usa ka panagtigom  nga gipanguluhan ni Palace Press Officer, Undersecretary Claire Castro, gibutyag niini nga pinaagi sa direktiba sa pangulong Ferdinand Marcos Jr, aprobado na ang hangyo sa Department of Education (DepEd) nga dugangan ang ihap sa mga magtutudlo.

Matud ni Castro usa kini ka mahinungdanong oportunidad gumikan abri ang matag posisyon nga dunay salary grade 11.

Tumong sa maong lakang ang pagpalig-on sa sektor sa edukasyon ug hapsay nga pagdumala sa mga tunghaan.

Dugang pa niini, subay kini sa tinguha sa  administrasyon ni Marcos nga palapdan ug maplastar ang kalidad sa edukasyon sa nasud.