Upat (4) ka insidente sa pagkalunod o pagkalumos ang natala nga gikamatay sa upat ka indibidwal, lakip na ang duha ka menor de edad samtang nag-obserbar sa Holy Week sa Northern Mindanao.
Sumala sa mga report sa Police Regional Office 10, nahitabo ang mga insidente sa lain-laing lugar samtang ang mga deboto ug pamilya nagbisita sa mga dagkong suba ug resorts.
Dugang pa, nakab-ot usab sa PRO-10 ang mga kalampusan sa ilang kampanya batok sa kriminalidad, lakip ang pagkasakmit sa ₱39.2 milyong kantidad sa smuggled nga sigarilyo ug ₱2.8 milyong kantidad sa mga nakumpiska sa anti-illegal mining operations.
Padayon usab ang deployment sa kapulisan sa mga strategic areas alang sa monitoring, traffic management, ug paghatag og tabang sa publiko samtang nagpadayon ang mga religious activities ug panahon sa bakasyon sa rehiyon.