32-anyos nga lalaki, nasikop sa Manolo Fortich tungod sa qualified theft

Nasikop ang usa ka 32-anyos nga lalaki atol sa police operation sa Zone 2, Barangay Dicklum, Manolo Fortich, Bukidnon kagahapong adlawa.

Giila ang suspek nga si Mike Angelo Pagpaguitan Sortones, 32 anyos, minyo, ug residente sa Sitio Alang-alang, Barangay Alae, Manolo Fortich, Bukidnon, pinaagi sa Warrant of Arrest nga may kalabotan sa Criminal Case Number 39751-22, nga gipetsahan niadtong Oktubre 14, 2022.

Ang kaso batok kaniya mao ang Qualified Theft ubos sa Article 310 sa Revised Penal Code, diin adunay girekomendar nga piyansa nga mokabat sa ₱40,000.

Sa pagkakaron, anaa na sa kustodiya sa Manolo Fortich MPS ang suspek alang sa dokumentasyon ug tukmang disposisyon.