- Advertisement -
Tingkagol na sa bilanggoan ang usa ka 24-anyos nga lalaki nga naila sa alyas nga “Yot” human masikop sa drug buy-bust operation sa Purok 1, Barangay Upper Lourdes, Valencia City kaganihang sayo sa buntag, Abril 8, 2026.
Sumala sa taho, ang suspek usa ka newly identified drug personality ug residente sa Barangay Tongan-tongan.
Ang operasyon gipangunahan sa Valencia City Police Station ubos ni PLTCOL Bryan M. Panganiban, kauban ang ubang police units.
- Advertisement -
Narekober gikan sa suspek ang upat ka sachet sa gituohang shabu, usa ka brown sling bag, usa ka iPhone, ug P500 nga buy-bust money.
Ang nasakmit nga ilegal nga droga adunay gibug-aton nga 5.3 gramos ug kantidad nga P36,040.00, ug giandam na ang kasong paglapas sa Republic Act 9165 batok kaniya.
- Advertisement -