VALENCIA CITY, BUKIDNON — Nadakpan sa mga security guard ang duha ka lalaki human nasakpan sa aksyon nga nangawat og 47 ka buok pinya sa usa ka agrikultural nga kompanya sa Barangay Lurugan, Valencia City kaganihang kaadlawon, Agosto 10, 2026.
Unang nadiskobrehan sa mga roving security guard sa MKADC/DOLE Philippines ang usa ka sakong kahel (orange) nga puno sa pinya nga gitago sa dapit sa Sack Alpha 4 sa Purok 9. Tungod niini, naghimo dayon og entrapment operation ang mga gwardya kauban ang ilang Detachment Commander.
Pasado alas-2:00 sa kaadlawon, niabot ang duha ka suspek nga nag-edad og 31 ug 32 anyos sakay sa usa ka motorsiklo ug gilayon nga gikarga ang maong sako. Paspas kining gipukaw ug giharang sa mga gwardya didto sa exit point sa maong dapit hinungdan sa ilang pagkasikop.
Narekober gikan sa mga suspek ang 47 ka buok pinya, usa ka kutsilyo, ug ang gigamit nga Kawasaki Bajaj nga motorsiklo. Gitugyan na sa kapulisan sa Valencia City Police Station ang mga suspek alang sa pormal nga pagpasaka og kasong pagpangawat (theft).