Nakahukom ang House Committee on Justice nga adunay probable cause ang mga impeachment complaint batok kang Vice President Sara Duterte human sa ilang hearing kaghap ong adlawa.
Mibotar ang komite og 53-0 pabor sa pagpa-abante sa impeachment process, base sa mga reklamo nga gisumite sa Saballa ug Cabrera.
Sa wala pa ang botasyon, gihisgutan sa komite kung hatagan pa ba og dugang adlaw ang Bise Presidente aron motambong, apan nakahukom sila nga igo na ang panahon nga gihatag isip kabahin sa due process.
Namatikdan usab sa pipila ka mambabalaod nga wala siya motambong sa hearing ug giingon nga nakita kini sa usa ka kalihokan sa Laguna ug posible pa nga mobiya sa nasud.
Sunod nga lakang mao ang pag-aprobar sa committee report nga maglakip sa Articles of Impeachment nga gikatakdang hisgutan sa Mayo 4.
Gisugyot usab ni Rep. Leila de Lima ang paghiusa sa duha ka impeachment complaints gumikan pareho ang mga basehan niini.
Sa internal nga desisyon sa komite, gisalikway ang pag-abli sa selyadong kahon nga adunay mga dokumento gikan sa Bureau of Internal Revenue, human sa boto nga 38-6 pabor sa pagpadayon sa pagkaselyado niini.