13 patay sa pagkahagsa sa eroplano sa Peru

Mikabat sa 13 ka tawo ang namatay human mahagsa ang usa ka gamay’ng eroplano sa Peru.

Ang maong eroplano nagsakay og mga turista nga gikan sa Nazca Lines archaeological site.

Lakip sa mga namatay ang 11 ka pasahero ug duha ka piloto.

Sumala sa inisyal nga imbestigasyon, pipila lamang ka minuto human kini milupad gikan sa Pisco, Peru, nahagsa ang eroplano sa Pueblo Viejo nga rehiyon.

Padayon pa karon nga giimbestigahan sa mga otoridad ang hinungdan sa maong aksidente.