System loss charge, posibleng saluon sa mga power distribution utility -ERC

Posibleng saluon sa mga power distribution utility ang bahin sa galastuon sanglit tangtangon ang system loss charge, sumala kang Energy Regulatory Commission Chair Francis Saturnino Juan.

Matud ni Juan, kinahanglan tun-an sa Kongreso ang paagi sa pagbahinbahin sa maong gasto aron dili kini mapasa sa ubang bayrunon sa konsyumer ug dili maapektuhan ang operasyon sa mga utility.

Gipasidan-an usab ni Juan nga mahimong maapektuhan ang modernisasyon ug kalidad sa serbisyo sa pipila ka distribution utilities kon dili sila makarekober sa maong gasto.