3 patay sa pagbusikad sa bomba sa Russia

Tulo ka tawo ang namatay human mibuto ang usa ka bomba sulod sa usa ka kan-anan sa Moscow, Russia. Sumala sa imbestigasyon sa mga otoridad, nahitabo ang pagbuto sa Kudrinskaya Square diin 21 pa ka tawo ang nasamdan.

Matud sa National Anti-Terrorist Committee (NAK), usa ka babaye ang nagdala sa bomba ug misulay pagsulod sa usa ka restawran.

Apan gipugngan kini sa dili pa makasulod, ug didto mibuto ang bomba. Apil sa mga namatay ang maong babayeng gituohang suspetsado. Padayon pang giimbestigahan sa mga otoridad ang motibo sa suspetsado sa pagdala sa bomba.