Nasakmit sa kapulisan ang gibanabanaang ₱1.183 milyon nga kantidad sa unprocessed mineral ores.
Atol sa gihimong anti-illegal mining operation, nasikop usab ang tulo ka mga indibidwal sa Purok 5, Poblacion, Manticao, Misamis Oriental kagahapong adlawa, Hulyo 4.
Giila ang mga nadakpan pinaagi sa ilang mga alyas nga “Jomar,” 33 anyos; “Edie,” 32 anyos; ug “Rey,” 25 anyos.
Ang operasyon gipahigayon sa Manticao Municipal Police Station uban sa Provincial Intelligence Unit ug Task Force Kalikasan pinaagi sa usa ka intelligence-driven checkpoint operation batok sa illegal mining.
Sa pagkakaron, anaa na sa kustodiya sa Manticao Municipal Police Station ang tulo ka mga suspek alang sa hustong disposisyon.
Samtang ang mga nakumpiskang ebidensya itugyan sa Mines and Geosciences Bureau (MGB) Region 10 alang sa angay nga pagproseso ug imbestigasyon.