Gisugyot sa Sangguniang Panlalawigan sa Bukidnon ang usa ka resolusyon nga naghangyo nga dugangang ang seguridad ug presensya sa kapulisan sa tanang publiko ug pribadong tunghaan sa tibuok probinsya.
Kini human pormal nga gipresenta ni Board Member Armando S. Evangelista Jr., ang kasamtangang PCL Bukidnon Federation President, ang Proposed Resolution Number 217-2026 atol sa sesyon sa ika-28 nga Sangguniang Panlalawigan. Pinaagi sa maong lakang, opisyal nga gihangyo ang Bukidnon Police Provincial Office sa panguna ni Police Colonel Oliver S. Navales nga ipatuman ang “police visibility” sa mga skwelahan.
Tumong sa maong resolusyon nga masiguro ang kaluwasan, seguridad, ug kaayohan sa mga estudyante, magtutudlo, ug mga empleyado sa tulunghaan.
Dugnag pa niini dako og tabang ang maong resolusyon aron magpabilin nga malinawon ug makohuran ang kabalaka sa mga estudyante lakip na ang mga estudyante ug uban pang kawani sa maong institusyon.
Kabahin niini, naglaum si Evangelista nga maaprobahan sa komite ang maong resolusyon ug giawhag ang buhatan sa kapulisan ug uban pang ahensya nga tumanon ug palapdan ang polioce visibililty sa lalawigan aron mapanalipdan ang kaluwasan sa mga kabataan ug publiko.