Gipahayag ni Ukrainian President Volodymyr Zelensky nga mawasak sa Ukraine ang tanang ballistic missile sa Russia kon ibaligya sa Estados Unidos ang napulo ka porsiyento (10%) sa ilang pondo nga Patriot interceptor missiles.
Sa usa ka pakighinabi, gipatin-aw ni Zelensky nga naghangyo sila sa ilang mga kaalyado sa US nga ibaligya kanila bisan lima ka porsiyento (5%) lang sa maong mga interceptor missile gikan sa ilang weapon storage aron makasugakod ang nasod sa panahon sa tingtugnaw ug makaluwas og mga kinabuhi. Apan kon moabot kini sa 10%, matud niya nga kaya nilang guboon ug matumpag ang tanang ballistic missile nga ipabuto sa kaaway.
Apan giangkon sa lider sa Ukraine nga usa ka porsiyento (1%) pa lamang sa kinahanglang pondo sa maong air defense missiles ang naipagawas alang kanila, hinungdan nga padayon silang nag-atubang og dakong hagit sa pagpanalipod sa ilang mga dakbayan ug imprastraktura batok sa mga pag-atake sa Russia.