Opisyal nang miretiro sa National Basketball Association (NBA) ang giilang “Triple-Double King” ug kanhi Most Valuable Player (MVP) nga si Russell Westbrook human sa iyang 18 ka season nga karera sa liga.
Gipahibalo sa 37-anyos nga veteran guard ang iyang pagretiro pinaagi sa iyang social media. Si Westbrook ang nagkupot sa makasaysayanong rekord sa NBA nga adunay labing daghang regular-season triple-doubles (209). Nakuha usab niya ang iyang MVP award niadtong 2016-2017 season diin nag-average siya og triple-double sa tibuok nga season.
Sa iyang tibuok karera sa NBA, nagduwa si Westbrook sa Oklahoma City Thunder sulod sa 11 ka tuig, sa wala pa kini nagduwa sa Houston Rockets, Washington Wizards, Los Angeles Lakers, Los Angeles Clippers, Denver Nuggets, ug sa iyang katapusang season sa Sacramento Kings.