Opisyal nang gipakita ang wax figure sa aktres nga si Kathryn Bernardo alang sa bantog nga museyo nga Madame Tussauds.
Gipakita ang wax figure ni Kathrine niadtong Miyerkules sa Glorietta Palm Drive Activity Center sa Makati City, diin daghang mga fans ang mitambong aron masaksihan ang maong espesyal nga kalihokan.
Makita sa wax figure si Kathryn nga nagsul-ob og elegante nga puting bestida ug adunay hairstyle nga parehas sa iyang hitsura sa pagtambong niya sa Seoul International Drama Awards niadtong 2023.
Sugod sa Hulyo 17, mahimo nang bisitahan ug mukuha og litrato ang mga fans sa wax figure ni Kathryn sa Madame Tussauds Hong Kong.
Gianunsyo ang paghimo sa iyang wax figure niadtong Oktubre 2025. Si Kathryn mao ang pinakabag-ong Pilipino nga nahatagan og kaugalingong wax figure sa Madame Tussauds, sunod nila Pia Wurtzbach, Manny Pacquiao, Anne Curtis, Catriona Gray, ug Lea Salonga.
Ang maong pagpasidungog giisip nga usa na usab ka dakong kalampusan sa karera ni Kathryn isip usa sa labing inila nga personalidad sa industriya sa pelikula ug telebisyon sa Pilipinas.