VP Sara Duterte, gipasakaan na og kasong grave threats sa Department of Justice!

Gipasakaan na og kasong grave threats sa  Department of Justice si Vice President Sara Duterte, may kalabotan sa iyang giingong pagpanghulga niadtong 2024 batok sa kinabuhi nila ni Pangulong Ferdinand “Bongbong” Marcos Jr., First Lady Liza Araneta-Marcos, ug kanhi House Speaker Martin Romualdez. Gikumpirma ni DOJ Spokesperson Atty. Polo Martinez nga gisumite na ang criminal information sa Office of the Clerk of Court sa Quezon City Regional Trial Court kagahapong adlawa.

Samtang, gibasura sa DOJ ang reklamo nga inciting to sedition nga gisang-at sa National Bureau of Investigation batok kang Duterte. Matud ni Martinez, wala makatakdo sa gikinahanglang lebel sa ebidensya ang reklamo aron mapasaka kini sa korte.