US subling naglusad og airstrike sa barko  sa Venezuela nga adunay dalang droga!

Gikumpirma sa militar sa Estados Unidos nga duha ka narco-suspek ang namatay human sa malampusong airstrikes batok sa usa ka barko nga nagkarga og iligal nga droga.

Ang maong barko namatikdan sa Eastern Pacific region ug nalambigit sa narco-trafficking operations nga konektado sa Venezuela.

Matud sa militar sa US, walay nadamay nga mga sundalo sa Estados Unidos, ug puro mga narco-suspek ang namatay sa operasyon.

Mikabat na sa 130 ang nalambigit sa iligal nga droga ang namatay nunot sa gipalig-on nga kampanya sa nasud.

Kahinumduman nga kaniadtong Septiyembre sa miaging tuig, gipagawas ni US President Donald Trump ang mando sa pag-atake sa mga barko nga nagdala og iligal nga droga ug nag-operate sa Venezuela.