Gipahayag ni US President Donald Trump nga wala siya mahimuot sa pinakabag-o nga tanyag sa Iran alang sa negosasyon, usa ka timailhan nga magpadayon ang kakuwang sa kasabutan o deadlock sa panagbangi sa duha ka nasod.
Sumala ni Trump, adunay mga kondisyon ug gipangayo ang Tehran nga dili niya madawat bisan pa man sa padayon nga komunikasyon sa matag bahin. Sa pikas bahin, gipahayag ni Iranian Foreign Minister Abbas Araqchi nga andam sila sa diplomasya kon usbon sa Estados Unidos ang “agresibong pamaagi” niini, apan nagpabiling nakaalerto ang ilang pwersa batok sa bisan unsang pag-atake.
Dungan niini, misamot usab ang tensyon tali sa US ug sa mga kaalyado niini human gipahibalo ang pag-withdraw sa 5,000 ka tropa sa Amerika gikan sa Germany. Kini tungod sa nagkagrabe nga dili pagsinabtanay tali ni Trump ug German Chancellor Friedrich Merz.
Nagpabilin usab nga kritikal ang sitwasyon sa Strait of Hormuz, diin apektado ang dakong bahin sa suplay sa lana sa kalibutan, butang nga nagdala og kabalaka sa ekonomiya ug posibleng pagsaka sa presyo sa lana.