1 patay, 7 samdan sa natigayong pagpangdunggab sa usa ka  tunghaan sa Istanbul, Turkey

Nakalas ang kinabuhi sa usa ka estudyante human gidunggab sa laing estudyante kagahapong adlawa, sa usa ka eskwelahan sa Basaksehir, sa amihanang-kasadpang bahin sa Istanbul.

Pito pa ka estudyante ang nasamdan sa maong insidente, samtang ang suspek nga 15-anyos nga Grade 10 student nga anaa na sa kustodiya sa kapulisan.

Matud sa Gobernador sa Istanbul nga si Davut Gul, residente sa maong lugar ang suspek ug gikan pa sa laing eskwelahan sa wala pa misulod sa eskwelahan diin nahitabo ang insidente.

Nakasugod na usab ang proseso sa korte batok sa suspetsado.